که‌سایه‌تیی  منداله‌که‌ت

کۆی تایبه‌تمه‌ندیه‌کانی ده‌روونی که‌ مرۆڤیک له‌ مرۆڤیکی تر جیائه‌کاته‌وه‌

پێشه‌کی

هه‌رچه‌نده‌ باوان باشبن و منداله‌که‌یان خۆشبویت، به‌لام هه‌ر توشی گیروگرفت ئه‌بن له‌ په‌روه‌رده‌کردندا و ناچارئه‌بن چاری گونجاوی بۆ بدۆزنه‌وه‌.چاکی و خراپی باوان له‌سه‌رئه‌وه‌که‌وتوه‌ که‌ چۆن ئه‌توانن ئه‌م گیروگرفتانه‌ چاره‌سه‌ربکه‌ن. باوانی وا هه‌یه‌ که‌ وا ئه‌زانن گتروگرفت له‌ کوتوپردا ڕوئه‌دات و نازانن بۆچی و چۆن چاریان بکه‌ن.هه‌رجاریک گرفتیک روئه‌دات دلگیرئه‌بن و دۆشدائه‌مینن و ئاواته‌خوازن که‌ له‌ دنیایه‌ک و کۆمه‌لیکدابژیانایه‌ که‌ گیرو‌گرفتی نه‌بوایه‌ و ئه‌مانیش توشی ئه‌م گیرو‌گرفتانه‌ نه‌هاتنایه‌.

       له‌ کاتیکدا باوانی واهه‌ن که‌ ئه‌زانن و رازین به‌وه‌ی که‌ ژیان گیروگرفتیشی تیدائه‌بیت ،ئه‌گه‌ر توانیان پیشه‌کی بیریلیئه‌که‌نه‌وه‌ و ریگای چآره‌سه‌رو خۆپاراستنی بۆدائه‌نین و له‌ هۆکاری روودانی گرفته‌که‌ ئه‌کۆلنه‌وه‌ و خۆیان ئاماده‌ئه‌که‌ن بۆئه‌وه‌ی ئه‌گه‌ر جاریکیتر روویدا ئه‌مان بتوانن به‌ره‌نگاری ببنه‌وه‌ و خۆیانی لیبپاریزن

به‌مانایه‌کیتر ئه‌مانه‌ ئه‌توانن کۆنترۆلی گرفته‌کان بکه‌ن،پیشئه‌وه‌ی گرفته‌کان توشی سه‌رسامی و‌ حه‌په‌ساویان بکات

زوربه‌ی زۆری گیروگرفتی په‌روه‌رده‌ی مندال په‌یوه‌ندی به‌ راهینانه‌وه‌ هه‌یه‌. مندال تۆپه‌له‌ قوریک نیه‌ که‌ مرۆڤ به‌ هه‌وه‌سی خۆی شتی لیدروستبکات، ئه‌م بیرکردنه‌وه‌یه‌ بیرکردنه‌وه‌یه‌کی هه‌ڵه‌یه‌و ئه‌بیت بیریلیبکه‌ینه‌وه‌.

مندال که‌سیکی جیاوازه‌ له‌ که‌سانی ده‌وروبه‌ری و له‌ هیچ که‌سیکی ترناچیت

که‌واته‌ په‌روه‌رده‌کار ئه‌بیت هه‌ولبدا که‌ منداله‌که‌ی بناسیت وه‌کو تاکه‌ که‌سیک  وه‌ بارودۆخی خیزان به‌وشیوه‌یه‌ بگونجینیت که‌ ریزی منداله‌که‌ی تیدا بگیریت و مه‌رجه‌کانی پیشکه‌وتنی ده‌روونی و روحی و له‌شی بۆ ئاماده‌بکات.

هه‌روه‌ها باوان خۆیان ئاماده‌ بکه‌ن بۆ زیاتر تیگه‌یشتن له‌ منداله‌که‌یان و ڕۆلی دایکایه‌تی و باوکایه‌تی به‌وشیوه‌یه‌ ببینن که‌ یارمه‌تی منداله‌که‌ بدات بۆ پیشکه‌وتن.

ئه‌م خۆئاماده‌کردنه‌ی باوان یه‌که‌م نیشانه‌ی خۆشه‌ویستیه‌ بۆ مندالاکه‌و ئه‌نجامیشی دلخۆشکه‌رو گه‌یشتن به‌ئامانج و ره‌زامه‌ندی باوانه‌، کارێکه‌ که‌ هه‌ردولا ئه‌گه‌ینیته‌ ترۆپکی دلخۆشی که‌ له‌ سایه‌یدا نه‌وه‌یه‌کی به‌که‌لک په‌روه‌رده‌ ده‌کریت،که‌واته‌ گه‌یشتن به‌م ئامانجه‌ ته‌نها به‌کاری دریژخایه‌ن ئه‌بیت و کاری دریژخایه‌نیش شه‌ونخونی و زه‌حمه‌ت و ئازاری زۆری له‌ ریدایه‌ و ریگاکه‌پڕه‌ له‌ گیروگرفت و ئه‌بیت باوان خۆیانی بۆ ئاماده‌ بکه‌ن

په‌روه‌رده‌ کاریکی ورده‌کاریه‌، له‌به‌رئه‌وه‌ی هیچ مندالیک له‌ویترناچیت، بۆیه‌ چاره‌سه‌ری گرفته‌کانیش جیاوازن و له‌یه‌کترناچن و تایبه‌تن به‌و که‌سانه‌وه‌ که‌ به‌شدارن له‌ گرفته‌که‌دا. ئه‌مه‌ مانای ئه‌وه‌یه‌که‌ ناتوانریت چاره‌سه‌ریک بۆ هه‌مان گرفت بدۆزیته‌وه‌ که‌له‌ دووشوین و دووکه‌سی جیاوازدا رووئه‌دات.    ئه‌بیت هه‌رحاله‌ته‌و چاریکی تایبه‌تی خۆی هه‌بیت، ئه‌مه‌ مانای ئه‌وه‌یه‌ که‌ باوان خۆیان له‌ منداله‌که‌ی خۆیان بگه‌ن و خۆیان چاری گیروگرفته‌کانی بکه‌ن، نه‌ک ته‌نها ئه‌مه‌، به‌لکو ئه‌و چاره‌سه‌ره‌ی که‌ راسته‌ بۆ مندالیکیان له‌ منداله‌کان به‌که‌لکی مندالیکی تریان نایه‌ت، هه‌رچه‌نده‌ گرفته‌کان وادیاره‌ له‌یه‌ک ئه‌چن و له‌یه‌ککاتدا رووئه‌ده‌ن.

له‌به‌رئه‌مانه‌و له‌به‌ر ئه‌و گۆرانانه‌ی له‌ ژیانی ئه‌ندامانی کۆمه‌لگادا رووئه‌دات ئه‌توانین بلیین که‌ په‌روه‌رده‌کاری کاریکی درئژخایه‌نه‌ و له‌دوانه‌هاتووه‌ و هه‌رده‌م له‌ گۆڕاندایه‌، خۆئاماده‌که‌ردن بۆی  پیویستی به‌کاری دریژخایه‌ن و له‌دوانه‌هاتوو هه‌یه

خوو ره‌وشتوو هه‌ڵسوکه‌وتی مندال به‌میکانزمیکی تایبه‌تدا ده‌روات که‌ تایبه‌ته‌ به‌خۆیه‌وه‌و لاسایی که‌سیتر ناکاته‌وه‌ و پیویستی به‌ تیگه‌یشتنی تایبه‌تی هه‌یه‌،که‌واته‌ باوانی دلسۆز ئه‌زانن که‌ ئه‌وه‌ی بۆ منداله‌که‌یان باشه‌ له‌وانه‌یه‌ بۆ مندالیکی تر باش نه‌بیت و چاوه‌روانی ئه‌وه‌ ناکه‌ن که‌ منداله‌که‌یان به‌ روتینیکی تایبه‌تدا بروات هه‌ر له‌به‌رئه‌وه‌ی مندالیکی تر به‌هه‌مان رۆتیندا رۆیشتوه‌،به‌لکو هه‌ولئه‌ده‌ن که‌ له‌ منداله‌که‌یان بگه‌ن به‌وشیوه‌یه‌ی که‌ که‌سایه‌تیی خۆی بپاریزیت و به‌ره‌وپیش بروات.

له‌به‌رئه‌م هۆیانه‌ لیره‌دا ئه‌توانین به‌گشتی گیروگرفته‌کان هه‌لسه‌نگینین و چاره‌سه‌ری گشتییان باسبکه‌ین و نه‌توانین به‌تایبه‌تی باسی منداله‌که‌ی تۆ بکه‌ین. ئه‌مه‌ کاری تایبه‌تی خۆیانه‌و که‌س هه‌قی ئه‌وه‌ی نیه‌ ئه‌و مافه‌یان لیبسینیته‌وه‌،ئه‌وان که‌سیکن که‌ باشتر له‌هه‌موو که‌سیک منداله‌که‌ی خۆیان ئه‌ناسن. به‌لام ئه‌مه‌ مانای ئه‌وه‌ نیه‌ که‌ نه‌توانریت گیروگرفته‌کان ‌ریکوپیکبخریت و به‌پیی قۆناغی جیاجیاباسیان بکریت، چونکه‌ ژیانی منداڵ پیکهاتوه‌ له‌ قۆناغی یه‌ک له‌دوای یه‌ک و هه‌ر قۆناغه‌ی گیروگرفتی جیای خۆی هه‌یه‌‌ که‌ تایبه‌ته‌ به‌و قۆناغه‌وه‌و جیاوازه‌ له‌ قۆناغی داهاتوو. جا کاتیک باوان ئه‌مه‌یان زانی ئیتر بۆیان ئاسان ئه‌بیت بۆئه‌وه‌ی به‌لای که‌مه‌وه‌بزانن بۆچی ئه‌م گرفته‌ ڕوویداوه‌ و بزانن که‌ ئه‌مه‌ شتیکی کاتیه‌و چاره‌سه‌ری په‌یوه‌ندی هه‌یه‌ به‌م قۆناغه‌وه‌ و ئه‌توانن خۆیان ئاماده‌که‌ن بۆ قۆناغی داهاتوو.

لیره‌دا ئه‌توانین هه‌ندیک ڕیره‌وی گشتی باسبکه‌ین که‌ زانینی یارمه‌تی باوان ئه‌دات له‌ کاره‌که‌یانداو ئه‌توانن وه‌کو خه‌تیپان سودیلیوه‌رگرن

یه‌که‌م قسه‌کردن و گوێگرتن

دوو هونه‌ری گرنگن له‌ په‌روه‌رده‌ و په‌یوه‌ندی کۆمه‌لایه‌تیدا و پیویستی به‌ ڕاهینان و دووباره‌کردنه‌وه‌ هه‌یه. قسه‌کردنو باسکردنی هه‌موو گیروگرفت و ڕوداویک له‌گه‌ل مندالدا له‌ زۆر ته‌نگوچه‌له‌مه‌ باوان رزگار ئه‌کات و مندال فیری ده‌ربرینی هه‌ستونه‌سته‌کانی ئه‌کات کاتێکیش که‌ مندال هه‌ستونه‌سته‌کانی به‌راستی ده‌ربری ئه‌وا ئاسانتر و‌ باشتر له‌یه‌کتری ئه‌گه‌ن و ئه‌توانن گیروگرفته‌کانیان که‌مکه‌نه‌وه‌و خۆیانی لیبپاریزن. له‌ قسه‌کردندا مندال پیئه‌گات و له‌ گوێگرتندا گه‌وره‌ .

دووهه‌م: ده‌ستنه‌خستنه‌ ناوکاری منداله‌وه‌. باوان پیویسته‌ پارسه‌نگیک دانین بۆ تیکه‌لکردنی که‌سایه‌تیی خۆیان له‌گه‌ل که‌سایه‌تیی منداله‌که‌یان، ئه‌م پارسه‌نگه‌ گرنگیه‌کی تایبه‌ت هه‌یه‌ و کاریکی ئه‌وه‌نده‌ ئاسان نیه‌، به‌تایبه‌تی بۆ باوانیکی یه‌که‌مجارکه‌ که‌به‌زۆر بارودۆخ ئاشنا نین و هیچشتیکی وایان به‌ده‌سته‌وه‌ نیه‌ که‌ به‌راوردی پیبکه‌ن.وازهینا له‌ مندال بۆئه‌وه‌ی خۆی چاره‌سه‌ری گرفته‌کانی خۆیبکات کاریکی سه‌ره‌کی په‌روه‌ورده‌کاره‌ و ئاماده‌کردنی منداله‌که‌یه‌ بۆ ژیانی دوارۆژ و ریزگرتنی که‌سایه‌تیی منداله‌که‌یه‌، به‌م ریزگرتنه‌ مندال پیئه‌گات و ئه‌گه‌شیته‌وه‌ که‌ ئه‌مه‌ش ئامانجی په‌روه‌رده‌کاره‌.

ئه‌مه‌ مانای ئه‌وه‌ نیه‌ که‌ باوان خۆیان له‌به‌ر پرسیارێتی بکشیننه‌وه‌ و له‌ کاتیکدا ئه‌زانن منداله‌کان پیویستیان پییانه‌ خۆیان گیل بکه‌ن، به‌لکو مانای ئه‌وه‌یه‌ که‌ هه‌میشه‌ هه‌نگاویک له‌دوای منداله‌که‌وه‌ بن ئه‌وه‌نده‌ بیت که‌ منداله‌که‌ که‌وت بتوانن بیگرنه‌وه‌.